Էպիդերմիսի վերնաշերտի եղջերացած ու մեռուկացված բջիջները հեռացվում են ալմազե գլխիկի և վակուումի օգնությամբ: Այն նպաստում է արյան շրջանառության լավացմանը, կոլագենի և էլաստինի սինթեզին, տոնուսի բարձրացմանը: Միկրոդերմաբրազիան կիրառում են տարիքային պիգմենտների վերացման, ատրոֆիկ սպիների հարթեցման համար, հետվիրահատական զոլերի և հաստացած ու ծակոտկեն մաշկի դեպքում:

Դարձյալ էպիդերմիսի հեռացումն է, այս անգամ էքսֆոլիանտներ պարունակող քիմիական թթուների միջոցով: Այն վերացնում է տարիքային պիգմենտները, ակնեից մնացած հետքերը, հարթում է կնճիռները, լավացնում է մաշկի գույնը:

Հիմնական օգտագործվող նյութը կրիիոթերապիայում հեղուկ ազոտն է, որի բուժիչ ազդեցությունը պայմանավորված է ցածր ջերմաստիճանով (-195.8°С): Կրիոթերապիան կիրառում են գորտնուկների, պապիլոմաների հեռացման, հիպերկերատոզի, սպիների վերացման, կորյակների և մազաթափության բուժման համար:

Դեմքի մերսումը ցուցված է ցանկացած տարիքի և մաշկի տեսակի դեպքում։ Այն լավացնում է արյան շրջանառությունը, մաշկի սնուցումը, կարգավորում է նյութափոխանակությունը: Դեմքի առողջ գույնը, էլաստիկությունն ու փափկությունը դեմքի մերսման միակ առավելությունները չեն։ Այն նաև նպաստում է մերսմանը հաջորդող կոսմետիկ միջոցների առավելագույն ներթափանցմանը մաշկ։ Դեմքի մերսումը շատ կարևոր է մաշկի համար հատկապես՝ հասուն տարիքում, երբ մաշկն առավել խնամք և ուշադրություն է պահանջում:

Զրային պիլինգը սովորաբար կիրառվում է դեմքի և պարանոցի վրա՝ ի հայտ բերելով թարմ, երիտասարդ նոր մաշկ: Այն համատեղում է առաջադեմ բժշկական տեխնոլոգիաները կազդուրիչ թերապիայի հետ՝ անհապաղ, կայուն արդյունքների հասնելու համար: Զրային պիլինգի բուժումը հարմար է մաշկի բոլոր տեսակների համար:

Միկրոհոսանքային թերապիան հատուկ հաճախականություն ունեցող էլեկտրական հոսանքների կիրառումն է մարմնի վնասված հատվածին: Միկրոհոսանքային թերապիան օգնում է ավելի արագ բուժել վնասված հյուսվածքը և թեթևացնել վնասվածքից կամ քրոնիկ հիվանդություններից առաջացած ցավը:

Ռադիոհաճախականության էներգիայի ազդեցությամբ հյուսվածքները տաքացվում են, ինչը նպաստում է շարակցական հյուսվածքի հին ու ձգված մանրաթելերի կծկմանը։ Ակտիվանում է կոլագենի և էլաստինի արտադրությունը, ինչը նպաստում է մաշկի ավելի երիտասարդ և առաձգական դառնալուն: